Молекул гэж юу вэ?
Молекул нь хоёр ба түүнээс олон атом ковалент холбоогоор нэгдсэн бөөм юм. Ковалент холбоонд атомууд хос электрон хуваалцдаг. Нэг төрлийн атомаас тогтвол энгийн бодис (O2, N2), өөр төрлийн атомаас тогтвол нийлмэл бодис (H2O, CO2) болно.
Хос электроны тоо холбооны төрлийг заана. Доорх утгууд симуляторын самбарт гардаг.
| Холбоо | Хос электрон | Жишээ | Холбооны урт | Холбооны энерги |
|---|---|---|---|---|
| Дан | 1 | Этан C2H6, C–C | 0.154 нм | 348 кЖ/моль |
| Давхар | 2 | Этилен C2H4, C=C | 0.134 нм | 614 кЖ/моль |
| Гурвалсан | 3 | Ацетилен C2H2, C≡C | 0.120 нм | 839 кЖ/моль |
Хос электрон олон байх тусам холбоо богино, бат бөх болно. Гэхдээ энерги яг гурав дахин ихсэхгүй: гурвалсан холбоо дан холбооноос 2.4 дахин бат бөх.
Атомуудын байрлал молекулын хэлбэрийг тодорхойлно. Ус өнцөгт (104.5°), аммиак гурвалжин пирамид (107°), метан тетраэдр (109.5°), нүүрсхүчлийн хий шугаман (180°) хэлбэртэй.
Молекул ба ионы нэгдлийн ялгаа
Жагсаалтад NaCl, MgO, KOH зэрэг ионы нэгдэл ч бий. Симулятор ионы таталцлыг тасархай шугамаар зурдаг. Ионы нэгдэл тусдаа молекул үүсгэдэггүй: ионууд талст торонд ээлжлэн байрлана. Томьёо нь зөвхөн ионуудын харьцааг заана.
Молекулаа Nalukh chem аппаас угсраарай
Атом нэмж 32 нэгдлийн бүтэц, холбооны урт, энергийг үз. Энэ симулятор бүтэн эрхэд багтдаг. Татах нь үнэгүй, бүртгэлгүйгээр 2 бүлэг, 5 симулятор нээлттэй.
Симуляторыг хэрхэн ашиглах вэ?
- Доод мөрийн атомын товчоор атом нэмнэ: H, O, C, N, Cl, S, F, Br, Na, K, Mg, Ca. Нэг дарахад нэг атом нэмэгдэнэ, дараалал хамаагүй.
- Атомын тоо жагсаалтын нэгдэлтэй яг таарвал бүтцийн зураг гарна. Ногоон самбарт нэр, томьёо, холбооны төрөл, хэлбэр, холбооны урт, энерги, хайлах, буцлах цэг бичигдэнэ.
- Таарахгүй бол Молекул болоогүй байна — атом нэм/хас (дарж хас) гэж гарна. Илүү атомыг дарж хасна.
- Өөр молекул эхлэхдээ Цэвэрлэх товч дарна.
- Баруун талын жагсаалтад угсарсан нэгдэл ногоон тэмдэгтэй болж, дээр гарна. Дээд талын шүүлтүүрээс Бүгд, энгийн, оксид, хүчил, суурь, давс, органик ангиллыг сонгоно.
Симулятор дээр оролдож үзэх даалгавар
- C, C, H, H дарж C2H2 угсар. Дараа нь H товчийг 2 удаа дарж C2H4, дахин 2 удаа дарж C2H6 болго. Холбооны урт 0.120-оос 0.154 нм болж ихсэж, энерги 839-өөс 348 кЖ/моль болж буурна.
- H2O угсраад O нэм. H2O2 гарч, буцлах цэг 100°C-аас 150°C болно.
- NaCl, MgO хоёрыг угсарч хайлах цэгийг харьцуул: 801°C ба 2852°C. Шалтгааныг Кулоны хуулиас уншаарай.
- Зөвхөн C, H ашиглаад хэдэн нэгдэл угсарч чадах вэ? Хариу нь 5: CH4, C2H6, C2H4, C2H2, C3H4.
