Хүчил, шүлтийг юугаар ялгадаг вэ?
Хүчил усанд уусахад устөрөгчийн ион H+ ялгаруулдаг, шүлт гидроксид ион OH− ялгаруулдаг. Цэвэр усанд хоёр ион тэнцүү тул саармаг. Хүчиллэг, шүлтлэг шинж дараах байдлаар ялгардаг.
| Шинж | Хүчил | Шүлт |
|---|---|---|
| pH | 7-оос бага | 7-оос их |
| Лакмус | улаан болно | цэнхэр болно |
| Идэвхтэй металл | урвалд орж H2 ялгаруулна | ихэнх нь урвалд орохгүй |
| Карбонат | урвалд орж CO2 ялгаруулна | CO2 ялгарахгүй |
| Амт, мэдрэмж | исгэлэн | гашуун, гулгамтгай |
Амт, мэдрэмж бол зөвхөн номын шинж: лабораторид бодисыг амсаж, гараар шалгаж болохгүй.
Долоон бодисын pH
Утгууд симуляторынх. Бодит бүтээгдэхүүний pH найрлагаасаа хамаарч зөрж болно.
| Бодис | pH | Ангилал | Шкалын өнгө |
|---|---|---|---|
| Нимбэг | 2 | хүчил | улаан |
| Цуу | 3 | хүчил | улбар шар |
| Кофе | 5 | хүчил | шар |
| Ус | 7 | саармаг | ногоон |
| Сод | 9 | суурь | цэнхэр |
| Саван | 10 | суурь | цэнхэр |
| Идэмхий натри | 13 | суурь | ягаан |
pH нэг нэгжээр буурах бүрд H+ ионы концентраци 10 дахин ихэснэ.
Суурь, шүлт хоёр юугаараа ялгаатай вэ?
Усанд уусдаг суурийг шүлт гэнэ, жишээ нь идэмхий натри NaOH. Иймд симулятор бодисыг суурь гэж ангилж, уусмалын орчныг шүлтлэг гэж бичдэг. Сод, саван бол давс төрлийн бодис боловч уусмал нь шүлтлэг шинжтэй.
Бодисыг pH шкал дээр Nalukh chem аппаас харьцуулаарай
Энэ симулятор бүтэн эрхэд багтдаг. Татах нь үнэгүй, бүртгэлгүйгээр 2 бүлэг, 5 симулятор нээлттэй.
Симуляторыг хэрхэн ашиглах вэ?
- Доод мөрөөс бодис сонгоно: Нимбэг, Цуу, Кофе, Ус, Сод, Саван, Идэмхий натри.
- Дээд мөрөнд бодисын нэр, ангилал, pH-ийн утга гарна. Ангилал нь Хүчил, Саармаг, Суурь гурвын нэг.
- Хар сум шкал дээр тухайн pH руу шилжинэ. Шкал дээрх 0, 7, 14 тоо хоёр үзүүр, голыг заана.
- Шкалын өнгийг ажигла: улаан, улбар шар, шар нь хүчиллэг, ногоон нь саармаг, цэнхэр, ягаан нь шүлтлэг.
Симулятор дээр оролдож үзэх даалгавар
- Хамгийн хүчиллэг, хамгийн шүлтлэг бодисыг ол. Хариу: нимбэг (pH 2), идэмхий натри (pH 13).
- pH 7-оос ижил зайд байгаа хоёр бодисыг ол. Хариу: кофе (pH 5), сод (pH 9).
- Цуу кофеноос хэдэн дахин хүчиллэг вэ? Хариу: pH-ийн зөрүү 2 тул 100 дахин.
Түгээмэл алдаа
- pH 0 бол хүчилгүй гэсэн үг биш. Энэ нь маш хүчтэй хүчиллэг уусмал.
- Шүлтлэг бодисыг аюулгүй гэж бодох. pH 13-ын уусмал хүчлийн нэгэн адил түлдэг.
