Хоёр гол үйлдвэрлэл
| Үйлдвэрлэл | Гол урвал | Оновчтой нөхцөл |
|---|---|---|
| Хаберийн процесс | N2 + 3H2 ⇌ 2NH3 | төмөр катализатор, 450 °C, 300 бар |
| Контактын арга | 2SO2 + O2 ⇌ 2SO3 | V2O5 катализатор, 450 °C, 1–2 атм |
Хоёр урвал хоёулаа эргэх, экзотерм урвал бөгөөд явцад нь хийн молийн тоо багасдаг. Тиймээс нөхцөл ижил зарчмаар нөлөөлнө.
Яагаад яг ийм нөхцөл сонгодог вэ?
| Өөрчлөлт | Гарц | Хурд |
|---|---|---|
| Температур өсгөх | буурна | ихэснэ |
| Даралт өсгөх | ихэснэ | ихэснэ |
| Катализатор нэмэх | өөрчлөгдөхгүй | ихэснэ |
Бага температурт гарц их боловч урвал хэт удаан явагдана. Иймд 450 °C орчим дунд нөхцөл сонгодог. Хаберийн процесст өндөр даралт хэрэгтэй, харин контактын аргад 1–2 атм-д л гарц 99.5% хүрдэг тул даралт өсгөх нь үнэтэй бөгөөд шаардлагагүй.
Контактын аргын төгсгөлд SO3-ыг усанд шууд шингээдэггүй, учир нь хүчлийн манан үүсдэг. Эхлээд өтгөн хүхрийн хүчилд шингээж олеум H2S2O7 гарган авч, дараа нь усаар шингэлнэ.
Бодит үйлдвэрт даралт өөр өөр бөгөөд Хаберийн процесст 200 атм орчмыг ч хэрэглэдэг. Нэг дамжлагад азот, устөрөгчийн 15% орчим нь л аммиак болдог ч урвалд ороогүй хийг буцаан оруулж нийт 98% орчимд хүргэдэг. Симуляторын гарцын тоо нь нөлөөг харуулах загвар тул эдгээр бодит тоотой адил биш.
Үйлдвэрийн нөхцөлийг Nalukh chem аппаас тохируулаарай
Температур, даралтыг өөрчилж гарц ба хурдыг харьцуул. Энэ симулятор бүтэн эрхэд багтдаг. Татах нь үнэгүй, бүртгэлгүйгээр 2 бүлэг, 5 симулятор нээлттэй.
Симуляторыг хэрхэн ашиглах вэ?
- Зүүн жагсаалтаас үйлдвэрлэлээ дарна. Хүхрийн хүчил, аммиак, азотын хүчил, шохой, цемент, ган, цайр, хүхэр гэсэн 8 үйлдвэрлэл байна.
- Судлах горимд дунд самбарын зүүн, баруун сумаар үе шатуудыг гүйлгэнэ. Баруун талд нөхцөл, тэгшитгэл, тайлбар гарна. Урвалгүй шат нь Физик үе шат гэж бичигдэнэ.
- Тохируул горимд Хаберийн процесс эсвэл контактын аргыг сонгоно. Бусад зургаан үйлдвэрлэлд энэ горим ажиллахгүй.
- Температур, Даралт гулсуурыг хөдөлгөж, катализаторын товчийг дарж асаана, унтраана. Гарц, Хурд шууд өөрчлөгдөнө. Оновчтой товч анхны нөхцөл рүү буцаана.
- Сорил горимд 6 асуулт гарна: үе шатыг дараалуулах, нөхцөл сонгох, урвал таних.
Симулятор дээр оролдож үзэх даалгавар
- Хаберийн процессын Оновчтой нөхцөлөөс температурыг 350 °C орчим болго. Гарц ихсэж, Хурд буурахыг ажигла. Яагаад үйлдвэр бага температур сонгодоггүй вэ?
- Катализаторын товчийг унтраа. Гарц хэвээр үлдэж, Хурд эрс буурна.
- Контактын аргад температурыг 550 °C болго. Гарц 99.5%-иас 88% болж буурна.
- Судлах горимд домен зуухны үе шатуудыг үзэж, гематитыг юу ангижруулдгийг ол. Хариу: нүүрстөрөгчийн дутуу исэл CO.
